2025-08-26
明報
【明報專訊】星期日早上去到茶餐廳，有客人話大銀行一姐高估價29%買樓，樓市應該見底回升，我最近賣了接近20億元物業，是否睇錯市，或者「叫人攻、自己鬆」。
銀行一姐買樓，當然是一個積極信號，但不代表樓價一定會升，正確信息是如果有能力而又有需要，現在是可以買樓，我認為這個信息是非常足夠，大家可以因應自己能力，以及需要來決定買唔買樓。
賣樓只是為勢所迫
至於「叫人攻、自己鬆」更加是一個誤會，老實說，如果可以的話，我絕對唔想賣樓，不過是為勢所迫。如果現在唔賣走一些物業，到最後可能全部都變成銀主盤，好似獅子一樣，知道世界是沒有足夠食物畀牠的子女，唯有親自殺死幾隻，否則，可能全部子女都會因為食物不足而死亡。
不過，實話實說，獅子才是為勢所迫，因為獅子無辦法控制一次生幾多隻獅子，生得太多才迫不得已要殺死幾隻，但我可以控制買幾多物業，買得太多，當估價下跌，銀行追差額，就要被迫賣走一些物業。絕對不能「躺平」，放任不理，否則到最後，銀行就會沒收物業再出售，銀行賣樓一定唔會好價，就算賣晒都可能欠銀行多少，問題始終沒有真正解決。
獅子也是一樣，一定要親自殺死子女，因為它會留低最強壯的兩隻，以後就較易生存。如果由其他獅子代勞，有理無理全部殺死，所以，動物與人類都是一樣，要生存就要自己爭取。
紀惠集團行政總裁
[湯文亮 茶餐廳手記]