【Emily】洪雯探劏房戶 嘆要管理「不切實際期望」

【明報專訊】立法會議員時不時接見求助個案，選委界洪雯就話，幫助基層之時，大家都要「管理不切實際的期望」。事源佢日前同議員謝偉銓及陳沛良跟一批劏房戶見面，佢哋住喺環境惡劣劏房，而政府即將實施「簡樸房」規管，居民擔心劏房唔合規格會被取締，繼而流離失所，當中有唔合資格入住過渡房屋?人，原因包括收入超標，或者係無香港身分證?雙程證人士。 洪雯話，當時佢提出會向政府爭取喺目前過渡房屋甲、乙類住戶資格之外，補充丙類資格，畀上述兩類人入住，問在場?劏房戶願唔願住過渡房屋，有居民回答：「一定要同區，不是同區就拒絕，想要現金補貼……」洪雯話佢都同情居民生活唔易，但作為議員都有責任幫政府財政把關，唔能夠感情用事，因為「福利永遠不會足夠」，慨嘆點樣幫人又要管理求助者不切實際?期望，的確係唔容易。