已晉升業主的你，有無數過你參觀了多少個單位，才拍板落實決定。屯門有租客就睇了逾50個單位，終圓入市夢，升級做業主。
買樓不是買棵菜，作為自住用家，每一個業主都會仔細考量自己的負擔能力和住屋需求，如方便上班，又或是就近家人，鎖定各項因素後，。
考量自己負擔能力
上述參觀超過50個單位的買家本身為屯門租客，一直租樓住，見近月銀行減息，樓價亦接近自己預算水平，1個月前開始四出視察不同物業。
正正因為銀根所限，樓價預算約400萬元3房間隔，私樓和居屋都無問題，惟要求單位企理裝修，故搵樓期間，幾乎合價錢放盤都去望一望，最終以412萬購入錦暉花園一個高層3房單位，實用面積573平方呎，呎價約7,200元。以間隔而言，廳為L形廳，兩廳分明，3房其中一個為主人套房，絕對合乎新買家的要求。
事實上，搵樓都要考耐力，在多年前疫情期間，網上睇樓大派用場，準買家可360度多角度參觀單位，恍如走進單位實地參觀廳、房、廚房和浴室。近幾年各大代理積極發展數碼化，網上睇樓日趨普及，由睇相變成睇片，起碼讓準買家做定前期功課，透過影片了解單位間隔和價錢等基本資料。
搵樓都要考耐力
透過平台委實可以瀏覽無窮無盡個單位，所以睇100個單位也是平常事。準買家可以嚴選合心水單位，才實地睇樓，此舉大可以省時，亦可以慳番不少腳骨力。蘭茜認為在平台揀到心儀後，宜到實地睇樓，真正了解和感受單位內圍和外圍的環境，往往會在現場發現一些美中不足的地方，又或是意外驚喜。
撰文 : 蘭茜
欄名 : 樓市放大鏡