2025-01-06
星島日報
有老友問，今年將近結束，如無意外，樓價下跌5至6 ％，而成交量上升25 ％，對樓市有甚麼啓示，現在是否應該入市。
買家趁低吸納
我話現在入市已經稍遲，但如果唔入市仲遲，因為當市場出現量跌價升， 代表有很多買家趁低吸納，他們很懂得「鋤價」。
但是對於那些急於賣樓的人，不得不降價才可以賣出手上物業，那些趁低吸納的人很少是用家，因為用家是很膽小，只有炒家才會趁低吸納，雖然做成樓價下跌，亦可能是反彈先兆。
一般炒家如果炒幾個單位，不會全部長揸，最低限度都會賣走剛炒入的單位，由於不用付辣招稅，炒樓的成本不高，所以他們夠膽入市，至於用家，一般都比較膽小。
瘦田冇人耕 耕開有人爭
不過，他們雖然唔夠膽從業主買入那些單位，但夠膽從炒家買，因為他們認為那些單位樓價已經見底，就算輸都唔會輸好多，所以，價跌量升之後，就算成交量回落，樓價都會上升，但我認為，當樓價回升，就會有很多等待買樓的人入市，正所謂「瘦田冇人耕，耕開有人爭」。
除了樓價之外，成交量亦會上升，所以，現在買樓並非錯誤，如果現在唔買，稍後可能要向炒家買。
湯文亮紀惠集團副主席及行政總裁