2024-12-27
明報
【明報專訊】房屋局長何永賢（Winnie）噚日喺facebook發帖，提及同副局長戴尚誠喺聖誕前去咗葵涌安蔭邨探訪幾戶居民，既有三代同堂，亦有父母子女一家五口，當中有最近從百幾呎劏房搬到安蔭邨。Winnie話佢哋不斷感謝政府，提到𠵱家生活大大改善，孫女有更好環境學習，考到全班第一。
Winnie又話，呢個大家庭所住單位?前戶主早前買咗居屋，個公屋單位騰空咗，佢好高興見到馬上幫到另一個有需要家庭。佢又話有鼓勵呢個家庭繼續努力，未來可以購買資助出售房屋或私樓，令公屋單位繼續發揮服務基層市民、循環不息?生命力。
Winnie仲話好高興呢批家庭都滿意公屋?環境同埋房署屋邨管理，祝願千家萬戶都有一個愉快聖誕。