2024-11-23
星島日報
今日有兩個全新盤推售，搶佔市場焦點，影響屋苑睇樓活動。綜合各大物業代理數據顯示，各大指標屋苑周六及日預約睇樓量，按周下跌1.8%至4.4%。
中原表示，10大屋苑周六及日錄約476組預約睇樓，按周回落3.3%。美聯指出，15個指標屋苑本周末預約睇樓量錄約595組，按周下跌約1.8%。利嘉閣研究部估算，全港50個指標屋苑今、明兩日合共錄約1205組預約睇樓，按周下跌4.4%。
業主縮窄議價空間
中原亞太區副主席兼住宅部總裁陳永傑表示，隨着筍盤被消化及業主縮窄議價空間，部分發展商提速推盤，凍結不少購買力，連帶二手睇樓亦受影響。
美聯住宅部行政總裁布少明表示，市場上筍盤越來越少，加上新盤搶去客源，二手睇樓活動難免會受到影響。
準買家持觀望態度
利嘉閣研究部主管陳海潮表示，新盤持續搶佔市場焦點，二手難免受壓，以致本周末屋苑預約睇樓量再度下滑。
祥益執行董事謝澤銘表示，市場已逐漸消化減息消息，加上近日股市下跌、外圍局勢不穩，部分準買家持觀望態度，令到本周末屯門及天水圍屋苑預約睇樓量下跌10%。