2024-10-29
明報
【明報專訊】星期日晚去尖沙嘴一間越南小餐館食飯，去到之後才發覺餐館停止營業，老闆貼出告示話因為請唔到廚師，所以迫不得已要結束生意，其實這是非常悲哀的事。
一般人見到某餐館執笠，二話不說就指出不是因為租金太貴，就是市民北上消費，其實，其中一個主要原因就是請唔到人，尤其是由外地引進的廚師，小餐館費盡心思由外面引進一些有質素廚師，但合約到期，廚師很多時會被大餐館挖走，小餐館即使勉強營業，質素亦大不如前，客人就會走人，就算老闆是科班出身，生意又好，但如果請唔到人，最後都因為體力頂唔順而要執笠。
宜簡化引入海外廚師過程
不過，有部分餐館執笠亦不是壞事，商業社會，舊的不去新的不來，如果沒有食肆執笠，就沒有新食肆來港開業，近日除了內地之外，亦有不少外國的食肆在香港開業，包括近日在韓國大熱的《黑白大廚》，有概念餐廳其實已經在香港開業兩年，根本唔使宣傳，生意已經做唔切，但傳媒很少報道，只是集中話有幾多食肆執笠，搞到外地人以為香港淪陷，原來根本唔夠人手才會執笠。要解決這問題，除要引進適合的從業員外，更加要簡化批准過程，令到大餐館可以從外地引進適合廚師，而不用向小餐館挖角，小餐館亦不需要因為人手不足而執笠。
港人口升 食肆最快受惠
有人話，香港在過去幾年走咗30萬人，才是食肆執笠的主要原因，其實不用擔心，除了優才專才已經作出同額補充，現在更加是源源不絕，移民仍然是有，但回流亦不少，整體來說，香港人口正在上升，當人口上升，食肆是最快受惠的生意，否則，就唔會有咁多知名食肆來港。
紀惠集團行政總裁
[湯文亮 敢說反話]