2024-10-23
明報
【明報專訊】昨日偷懶唔返工，去中環食個靚午餐，享受下中環人生活，見到一個銀行家，佢問我知唔知邊個人令到官員全「撤辣」，特首、財爺抑或金管局總裁？銀行家考我通識，一般人一定會以為是上述3個人其中1個，或者是3個人的集體決定，其實是錯誤的，如果是他們三人的決定，又何須等到兩個星期前才公布。已經有不少業主被迫賣走他們最心愛的物業，已經同銀行水火不容，其實大家都是做生意，亦毋須搞到關係咁緊張。
銀行亦只是做生意，對於有價值倍數抵押品的客戶特別寬容，會想盡辦法借多啲錢畀他們，亦唔會將客戶的資產變成銀主盤，但奈何金管局監管甚嚴，會質疑銀行的放貸是否違規，所以銀行要執正來做，令到不少客戶的抵押品變成銀主盤，甚至會被低價出售，賣走之後仲有不少錢退回給客戶。
銀行執正來做 抵押品變銀主盤
可想而知客戶是幾咁唔滿意，但金管局一於少理，因有銀行孭鑊，客戶只會閙銀行，不會閙金管局，銀行家不但做少了生意，又要畀客戶鬧，心情惡劣可想而知。
不過，銀行家是社會精英，知道如果要解決一些不合理規定，就要徹底執行，對於一些稍為不符合規定的客戶，一定要call loan，沒收他們的物業，搞到雞犬不寧，政府才會考慮問題，甚至會「撤辣」。今次就係特首等政府官員睇到問題癥結所在，就在《施政報告》時宣布全「撤辣」，取消逆周期措施，所以，今次政府全「撤辣」的功臣應該是全香港的銀行家。
紀惠集團行政總裁
[湯文亮 敢說反話]