2024-10-21
星島日報
有同事與客人睇完樓之後唔明白，點解我們可以擁有廿幾層甲級寫字樓，而其他投資者有一兩層已經好犀利，我話除了講緣份之外，仲要講心理質素。
買到優質物業是緣份
不少曾經擁有優質甲廈的投資者，敵不過銀彈攻勢，買入之後有人俾巨款給他們賺，那些投資者便會轉售所擁有的優質甲廈。
但如果買入的甲廈並不是優質，不但不可以即時轉售，甚至可能要揸一段非常長的時間。
同事話唔係幾明白，於是我用另一個方法解釋，我讀中學開始溝女時，阿媽同我講一定要溝靚女，雖然溝靚女的難度很高，隨時可能得個吉，甚至畀靚女玩，但到撇女時，發覺撇靚女很容易，醜女雖然容易溝，但就很難撇。
為何業主可以接受壓價
所以，見到不少又肥又矮的小姐，有一個高大威猛的男朋友，其實那個男仔有苦自己知，佢唔係唔想甩，而係甩唔到，唔係想有一個醜女朋女。
樓宇也是一樣，不少打算買優質物業的買家，就算被業主反價又反價，也並不代表一定可以買到，反之那些低層而質素又不佳的物業（喳樓），就算買家壓價再壓價，業主也可能會接受，但到賣走的時候，新買家就會知道當日舊業主點解可以接受佢壓價。所以，能夠買到優質物業是緣份，是否能夠長揸就要睇心理質素。
湯文亮紀惠集團副主席及行政總裁