2024-10-16
明報
【明報專訊】有老友同我講，好彩在買樓的時候，銀行唔肯做按揭，最後搵咗財仔做七成按揭，現在樓價下跌三成，所按的物業早已資不抵債，但由於物業的質素不佳，財仔沒收之後亦唔係咁容易出售，而且按在財仔的物業，很多都沒有簽私人擔保，如果售出價太低，財仔就會損失慘重，老友話自己甩難，財仔就慘了。
很多人以為做財仔生意很容易做，有抵押的貸款輸極都有個譜，其實這有多少誤會，如果是一般商品，抵押品全部都是一樣，財仔的風險的確很細，但做物業貸款就唔同，每一個物業的質素都不同，所謂市價，只不過是最近的成交價，但並不保證按在財仔的物業可以用市價售出，所以，最後的損失可能落在財仔身上。
樓價跌三成 抵押品資不抵債
由於銀行早年對大部分的物業按揭，最高是可以借五成，相對而言，估價可以很寬鬆，估高一成絕對經常發生，就算財仔只是借估價七成，最後都變咗借八成，對於一個借錢畀人買樓的財仔來說，八成按揭是非常危險的，現在樓價下跌三成，很多按在財仔的抵押品早已資不抵債，現在都唔知點樣收科，而事實上有不少按在財仔的物業，早已打包在銀行翻按，當然唔可以借七八成咁多，三四成應無問題，如果由銀行沒收翻按物業再出售，財仔便會損失慘重，所以，有不少財仔近日已經執笠，由此可見，有不少財仔已受到毁滅性損失。
一向以來，有不少業主將自己沒有借貸的物業按在財仔那裏，大部分的目的是消費，最初的時候借貸不多，但慢慢就會愈積愈多，由於那些人沒有還款能力，最後被財仔沒收了物業，如果貸款額太大，財仔可能會遭受損失，很多人以為財仔的生意很容易做，其實都是火中取栗，風險很大。
紀惠集團行政總裁
[湯文亮 敢說反話]