2024-08-15
明報
【明報專訊】有專家話雖然已經有14萬專才來港，但他們都唔會買樓，對樓市的幫助不大，樓價會繼續下跌，唔劈價蝕讓根本賣唔到樓。
專家可能冇睇最近數據，所以順口開河，今年到現在已經賣了1萬個新樓單位，其中七成是內地人士；到年底，應該最少有1萬個新樓單位由內地人士購買。只要樓價保持平穩，明年將會有更多內地人士買香港樓，到明年底，香港新樓的潛在供應量就會回復正常水平，即是在未來3至4年有9.3萬至9.4個新樓供應。雖然話是正常水平，其實到了那個時候，新樓供應已經追不上需求，因為當政府講潛在供應量的時候，並未計算大量來港的專才/優才，我唔敢講樓價一定會上升，但現時在各項不利因素之下，樓價仍然保持平穩，當不利因素消失，樓價的走勢是可以預見。
專家話如果唔劈價蝕讓，根本很難賣樓，理論上樓價應該急跌，而事實上中原指數上星期下跌了0.11％，而比對1個月前，亦只不過下跌了0.2 ％，換句話說，樓市已經穩定下來。銀行如果唔call loan，以及恢復借錢畀人買樓，而利息又開始下跌，睇唔到來港的專才點解唔買樓而繼續租樓。
老實說，專才現在唔買樓亦是正常，移民去了外地的人應該了解，剛到埗後甚至到埗之前是不會買樓，大多數會在開始的時間租樓，直至覺得適合自己繼續留低生活才會買樓，已經到港的14萬個專才，只有一成在香港買樓，立刻會令到需求大過供應，當潛在供應量回復正常，業主就不用劈價蝕讓才賣到樓，樓價亦會回復正常。
紀惠集團行政總裁
[湯文亮 敢說反話]