2024-08-05
星島日報
不時有人問我幾時是買樓的最佳時間，是否等銀行放寬按揭，利息下跌，或者供應大增，甚至經濟環境唔好，地產商與小業主都要劈價賣樓，才是買樓的最好時機。
我認為外在因素固然重要，但買樓人士自己的能力才是最重要，即使外在因素不佳，銀行不願借錢俾人買樓，利息又高，但如果打算買樓的人有能力，仍然可以買樓，外在不利因素有助降低樓價，對有能力買樓的人是好消息，試想想，如果利息下降，銀行恢復放貸，樓價必然上升，那些本來可以負擔得起買樓的人，由於樓價上升，他們變成負擔唔起，最後只能繼續租樓，或者他們會怨自己，點解當日可以負擔得起的時候唔去買樓，一定要等到唔擔唔起時才長嗟短嘆。
自己能力才是最重要
不過話分兩頭，如果明知自己負擔唔起，即使銀行願意放貸，利息下降，都唔好急於買樓，因為如果供唔掂，即使樓價上升，銀行都會收樓，到時候見到樓價上升，自己要賤價賣樓，心理上幾咁難受，反之，如果自己有能力，就算買了樓之後樓價下跌，總有一日是會掉頭回升，最多只是賺少咗，所以，買樓的最佳時間是取決於打算買樓的人能力，其他都只是考慮的因素。
湯文亮 紀惠集團副主席及行政總裁