2024-05-31
明報
【明報專訊】本屆政府大力推動過渡房屋及簡約公屋計劃，以改善基層住戶居住環境。房屋局長何永賢噚日喺社交平台發帖，分享上任後首個探望?劏房住客李伯，佢由當年蝸居?深水埗30方呎劏房，搬到荃灣青龍頭過渡房屋項目「普綠軒」一人單位，改善咗生活。何永賢仲引用李伯一句「住得安樂」，勉勵仍然住喺劏房?有需要市民踏出改變?一步。
何永賢憶述2022年7月探訪時，李伯手上攞住一張寫咗「快」字?紙，額頭有汗。何話見到窄小劏房，牀邊對住無門遮掩?馬桶，心裏面有講唔出?難過，更感受到房屋局工作重要，因為係改變基層市民命運?社會工程。
何近日探訪李伯新居，見到企企理理、光光猛猛?單位，李伯有屬於自己?洗手間，屋內可以放到一張食飯枱，同有一扇開揚?窗，唔再係破落同困迫?四面牆。何形容李伯臉上?笑容同精神，令到佢直接睇到房屋局工作?成效，當然亦唔可以缺少營運機構普門基金會同提供土地?發展商信和集團等各界支援同照顧。