2024-03-21
明報
【明報專訊】最新公屋平均輪候時間增至5.8年，房屋署長羅淑佩接受恒生大學傳播學院《恒傳感言》訪問時話，希望年輕人唔好為咗住公屋而減薪「躺平」，甚至有錯覺以為愈後生排公屋就上到樓，反問：「怎麼可能一生人都只是在公屋的資助限額、入息限額和資產限額的下面？」佢鼓勵年輕人努力搵錢向上游，話做到業主都係一種成就。
憶細個住石蔭 話原意畀市民流轉
自幼喺石蔭邨長大?羅淑佩話，公屋原意唔係畀住戶由出生住到老，而係希望畀市民一個流轉機會。佢憶述細個喺屋邨大球場踩單車，飲汽水食雪糕，有個開心童年；大學畢業後就搬離石蔭邨；直至媽媽過身後就幫爸爸置業，將公屋單位交還。
對於喺新落成公屋不時聽到普通話，令外界質疑政府優待新移民，羅淑佩澄清無咁?情况，話一嚟香港就有公屋住?，大多數係佢哋有親戚係公屋戶，強調居港滿7年先有資格住公屋。至於近期有公屋居民被揭在內地有資產，羅重申房署會抽查，若掌握線報，會將申請人資料拎到內地調查，又指內地有關部門非常樂意配合當局。
身為「Hellosss（MIRROR成員陳卓賢支持者暱稱）」?羅署長，以陳卓賢?《地球上的最後一朵花》勉勵年輕人，只要有信念，就可茁壯成長。