2023-10-12
明報
【明報專訊】有老友問，以色列防空系統「鐵穹」是舉世知名，連美國也採購，哈馬斯又如何攻破鐵穹？老友的問題可能連軍事專家都未必識答，但大多數香港物業投資者就識答，我講大家都未必會相信。
香港亦有「鐵穹」系統，不過只是用於防止外來人買香港住宅單位，不是不能買，而是要畀多30％特別印花稅，政府以為這個俗稱辣招的「鐵穹」系統滴水不入，但後來發覺唔對勁，辣招稅愈收愈少。再查下紀錄，發覺「鐵穹」系統早已被攻破，所以，政府才考慮撤辣，並不是向壓力屈服，曾經向政府施壓的人千祈唔好沾沾自喜。
境外買家「暗渡陳倉」破港辣招
老友問投資者或外來人士點樣攻破香港政府的「鐵穹」？其實很簡單，外來人士如果要在香港買樓，必須繳付30％特別印花稅，令到那些人唔買樓，轉移購買持有某個住宅單位的有限公司，當香港政府沾沾自喜，以為「鐵穹」能夠阻擋90％打算買香港住宅單位的人，但原來早已被境外買家「暗渡陳倉」。
老友話我九唔搭八，「鐵穹」又點會同香港樓市扯上關係。我話，其實一理通百理明，以色列的防空系統「鐵穹」犀利，但只要搵到漏洞，便可以攻破「鐵穹」。
紀惠集團行政總裁
[湯文亮 敢說反話]