2023-09-20
東方日報
《長遠房屋策略》訂下?房屋供應量長期唔達標，政府早兩年就話已經搵夠330公頃?土地，供興建31.6萬間公營房屋單位，即係話「搵夠數」，但身兼房屋委員會成員?議員梁文廣就驚走數，好擔心落成?單位數目可能打9折都唔掂。點解？
公屋聯會日前有個網上節目，總幹事兼同為房委會成員?招國偉問到，既然政府話搵夠地起公屋，係咪可以研究下調整興建公營同私人房屋?比例？梁文廣話研究當然可以做，但實際上政府話搵夠地，但公屋單位係咪如期落成，係咪提供到呢個單位數目最重要。
夾硬重推租置樓未必好事
梁文廣話一直有啲擔心，驚當局走數，驚起唔足咁多公屋單位，例如原本話起一萬個，點知最後變咗5,000個，事關呢啲情況時有發生，好似喺興建新屋邨前會諮詢意見，有啲意見會話要加社區設施之類，咁最終落成?單位就有可能較原先規劃?少。佢又舉例，好似粉嶺高爾夫球場咁，若果政府搵?每一塊地都因為某啲原因而要重新規劃同重新設計，擔心落成?單位數目打9折都唔掂。
政府喺本月初已收回32公頃用地的粉嶺高爾夫球場，交由康樂及文化事務署管理，但用地係咪用嚟起公屋仍係未知之數。
對於外界建議重推公屋租置計劃，梁表明贊成，但認為前提係要有足夠?公屋供應。佢解釋，喺唔夠公屋供應下推租置唔係太現實，事關只會令可以用?公屋少咗，再加上租置樓?管理冇新出路，或突破唔到依家混合業權管理模式?話，夾硬推番出嚟未必係好事。
政府已展開增加公屋幸福感?調查，梁話公屋實際上係社會?縮影，應該將範圍由屋邨內擴展到邨外，甚至係整個社區?規劃，因為幸福感唔單止係住得好，仲涉及對外交通。
被問及現時樓價跌，有意見認為資助房屋階梯同私人樓宇市場重疊，梁認為樓價確實緩緩下降，但並非斷崖式下跌，縱使可能有部分市民依家?入息限額符合購買居屋?資格，同時亦可負擔得起買私樓，但唔需要否定資助房屋?需求，反而應該更早規劃，政府容許房委會喺樓市唔同周期制訂靈活方案，例如針對銷售對象同入息限額等。