2023-09-18
星島日報
較早前有人同我講，香港人的人均資產排名世界第三位，大約有500萬港元，僅次於美國以及瑞士，最令人奇怪的是大幅高於新加坡，唔知道排名公司是否搞錯，因為近日所見，一切消息皆不利香港，例如有大量人才流出，那些人賣樓甚至令樓價下跌，連續的負面消息竟然沒有影響香港人的人均資產，的確令人懷疑。
一場黑雨之後，那人改變他的說法，佢話原來香港真係有很多低調富豪，受黑雨影響的紅山半島，差不多全是身家過億，甚至10億的富豪，所以，香港人均資產排世界第3位絕不出奇。
香港人均資產世界第3
有不少人認為，做得富豪，一定要高調，點解香港富豪要低調，其實並不是每一個富豪都鍾意高調，但如果住在一個平凡的地方，身邊沒有甚麼富豪，想唔高調都唔得，但香港超級富豪實在太多，正是英雄見慣亦常人，富豪亦可以低調生活，除了一些愛出風頭的富豪之外，大多數富豪都愛低調，香港就是有這個優勢，所以，香港人不宜妄自菲薄，以為甚麼都輸給新加坡。
湯文亮紀惠集團副主席及行政總裁
湯文亮 地產論壇