【明報專訊】房屋局副局長戴尚誠（Victor）日前聯同九龍中立法會議員楊永杰、九龍城區議員張景勛等人去土瓜灣探訪兩個劏房戶，一般官員、議員探訪時主要透過交談了解對方需要，但今次Victor一行人?體驗有啲唔同，因為大家離開時剛好遇上困𨋢，足足困咗20分鐘，可以話體驗咗劏房戶可能會面對?日常。
於Victor探訪?兩個家庭，其中一個係一家五口，瞓喺一張碌架牀同埋打地鋪，另一家庭就以4500元月租唔夠100方呎?劏房，更惡劣?係兩家人都要面對老鼠、曱甴等問題，再加上噪音，令佢哋難以入睡，更影響小朋友學業。其中一戶?媽媽話自己好想搬，但真係住唔起其他地方，上月中去過房屋局過渡房屋開放日，即場交咗申請表，希望盡快改善居住環境。