2023-08-18
經濟日報
置業是人生大事，且一層樓動輒數百萬元，當然是精挑細選，揀到最適合自己、適合全家人。有準買家認為，睇多少個單位都不重要，最緊要合心水、合眼緣，就算是一些陳舊裝修，日後也可以透過大翻新，獲得煥然一新的感覺。
花3個月睇近50單位
話說一名準買家相當有毅力，前後花費近3個月、睇了目標屋苑近50間單位，最終亦能如願，圓上車夢。
在疫情期間，網上睇樓大派用場，準買家可360度多角度參觀單位，恍如走進單位實地參觀廳、房、廚房和浴室。近幾年各大代理積極發展數碼化，網上睇樓日趨普及，由睇相變成睇片，起碼讓準買家做定前期功課，透過影片了解單位間隔和價錢等基本資料。平時睇樓，準買家參觀單位時，在屋內只是逗留短短幾分鐘，可能出門口或轉頭已忘記單位廳房位置，以及門位。如今有網上搵樓平台，準買家可隨時隨地重溫單位間隔。
平台睇樓 省時慳腳骨力
事實上，透過平台委實可以瀏覽無窮無盡個單位，所以睇100個單位也是平常事。準買家可以嚴選合心水單位，才實地睇樓，此舉大可以省時，亦可以慳番不少腳骨力。不過，蘭茜認為在平台揀到心儀後，宜到實地睇樓，真正了解和感受單位內圍和外圍的環境，往往會在現場發現一些美中不足的地方，又或是意外驚喜。
有家庭客搵3房，搵樓已一段時間，因銀根有限，又務必揀3房，對廳房的實用程度也有自己的要求，遇到合價錢單位，到現場均用心研究內籠的擺位，據了解，該家庭客更走訪多個區，惟遲遲仍未落實。
撰文 : 蘭茜