2023-08-03
東方日報
講起本港公屋需求殷切，功夫茶不禁想起一個窮學究?自輓聯：想吾生竭力經營，無非是之乎者也；問此去何等快樂，不管他柴米油鹽。窮學究說得瀟灑，其實飽含着對生活?無奈！以反諷手法，道盡生前要為柴米油鹽張羅之悽酸！呢嗱！目前有約10萬多劏房戶，住咗逾22萬人，佢哋被喻為「愈窮愈要交貴租」，驚動到連阿爺都關注，盼政府能予以改善，最終就係「告別劏房」！
改善民生，要心中有民，尤其喺房屋問題上，每屆政府都話係「重中之重」，上屆政府臨落雨收柴先嚟廢噏甚麽「前人種樹，後人乘涼」！乘乜鬼涼吖？老公撥扇，妻涼（淒涼）就有！實情係公屋輪候冊愈積愈厚，市民望上樓都真係望到頸長眼出血！
好嘞！本屆政府甫一登場，就「以結果為目標」，喺「房事」上敲鑼打鼓，要「提量、提速、提效、提質」；又推「公屋提前上樓」；又有所謂「簡約公屋」；又有「過渡性房屋」等。要言之，多管齊下希望可以為市民解決「房事問題」，尤其冀望住喺劏房?市民，能夠「房事暢通，生活輕鬆」！正是：難得上樓何等快樂，不管他廚廁合一！
可惜吖！本屆政府又係冇耳茶壺，得把嘴！嗱！房委會尋日表示，截至今年6月底?最新公屋輪候時間，一般申請者平均輪候5.3年，而長者一人申請者?平均輪候時間則為3.9年，數字跟上季維持不變。
咁即係等上樓仍然係望穿秋水！「屈室求存」?劏房戶，夏天仍然要忍受酷熱天氣?高溫，免費焗桑拿！依然要備受一些無良業主濫收水電費，皆因劏房租管條例雖通過一年有多，卻如無牙老虎，未能起實質阻嚇，民間團體?調查都反映空有一紙條文而少執法即係廢！上唔到樓就係慘！
房委會表示，於2023年第一季獲編配入住公屋?一般申請約2,300宗，當中獲編配?長者一人申請約510宗。另外，同一季度獲編配?配額及計分制下?非長者一人申請約為450宗。
對於一般申請平均輪候時間跟上季維持不變，房委會解釋，主要由於第二季獲分配公屋單位?一般申請者，輪候時間與過往數季獲分配公屋單位?一般申請者?輪候時間相若喎！之但係，對於長者一人申請者平均輪候時間，已經連續4季維持於平均3.9年，又點解釋？之前申訴專員公布調查報告，指有長者屋長期空置冇人住，鬼咩！呢啲長者屋住戶需共用廚廁或客廳，難怪冇人吼！講到尾，又係失策！呢啲長者屋有些空置逾10年，如果收回重建可建好幾百個公屋單位，官僚就係當睇唔到，一味吹水唔抹嘴，市民「房事」點會輕鬆？