有很多分析員預測樓市在今年下半年會跌大約5至7％，耗盡今年上半年升幅，我認為不用太悲觀，在政府放寬逆周期措施之後，銀行暫時停止追差額，有逼切性買樓的人減少，樓市可望止跌，但是否回升，就要睇利息走勢，高息除了影響買樓人士意欲之外，高息定存更加消耗最有實力購買力。
現在做定存，一般都有5%，有咁好收入，又點會買樓，就算自住都唔會買。
如果以五成首期計算，將首期做5%定存，利息收入就可以租到一個打算買的單位，而且以後仲唔使供樓，沒有買樓自住的人買樓，樓價又點會上升。
樓市升跌要看利息走勢
況且，定存都有咁多利息，借錢買樓的利息更加高，而且仲唔知道美聯儲局幾時停止加息。
就算買樓都要等利息有明顯下跌的時候才考慮，現在樓價與利息角力，利息唔跌，樓價就會跌。
如果掌握得好，不但現在可以收取高息，將來亦可以用較低價錢買到樓，簡單一句，將來買樓的價錢平過今日就是贏家。
湯文亮 紀惠集團副主席及行政總裁
湯文亮 地產論壇