2023-06-26
星島日報
有老友話租樓租了幾年，即使在疫情的時候，亦冇試過遲交租，更加冇要求業主減租。但疫情完結，香港通關，業主竟然立刻加租，仲講明如果唔接受加租，就會在租約完結時請佢走人，老友真的是很無奈，唔通業主真的如傳說中所講咁無良。
我話業主無良是世界公認，但現在有人比業主更無良。一些業主即使如期供款，從未試過脫期，銀行都會向他們追差額，理由是測量師預計樓市下跌，銀行避免有所損失，不得不向他們追差額，說話當然是冠冕堂皇，但銀行應該在客戶的位置想想，唔係太多業主可以在一時之間有錢還畀銀行，最後可能要將物業賣走，很多人不明白，銀行與客戶就是好似曹丕同曹植——本是同根生，相煎何太急。
現時借貸比率低
而事實上不少業主的借貸比率只是樓價五成，即使樓價下兩成，借貸比率亦只不過是62.5%，基本上仍然很安全，都唔知銀行驚乜野。老實說，租客只得兩個月租金按金，如果唔交租，業主很容易有損失，但問銀行借錢買樓，由於借貸比率非常低，銀行基本上很安全，即使客戶唔還錢，銀行沒收物業後再出售，之後仍然有大筆款項退回給客戶，其實到了那個時候，銀行是很尷尬，不但得罪客戶，失了生意，亦失了信譽。
湯文亮紀惠集團副主席及行政總裁
湯文亮 地產論壇