2023-06-19
明報
【明報專訊】城規會今日就政府建議將粉嶺高球場部分建屋土地劃作「未決定用途」地帶召開第三場公聽會。對於首兩場公聽會出現一面倒反對建屋聲音，發展局長甯漢豪噚日接受無線新聞節目《講清講楚》訪問時話唔覺得意外，佢又話通常反對?人先會去，所以反對聲音佔多數；強調建屋初心絕對無變，政府本身希望做?嘢係唔應該因為反對意見而動搖。
至於政府喺公聽會前夕，將高球場擬議發展土地由住宅改為「未決定用途」，甯漢豪話，政府最初提出改劃?住宅甲類地帶係高密度房屋，但早前環諮會審批呢個項目?環評報告，要求重新檢視發展密度，所以政府暫時建議改劃為「未決定用途」，畀政府以約一年時間檢視該項目，包括計算樓宇點樣擺位，以及樓宇對於日照及景觀等評估，不過佢話暫時唔會評論檢討後會減少幾多單位，強調落成時間仍會在10年建屋計劃之內。