Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
六月 18, 2024 星期二 短暫陽光 有驟雨 31° 79%

社區會堂多空置 暴殄天物增用途

2023-06-08    東方日報
香港係一個奇怪?地方,譬如話「有屋冇人住,有人冇屋住」;喺資本主義社會,貧富懸殊,所謂「富者田連阡陌,貧者無立錐之地」,吾人亦見怪不怪。呢,之但係香港明明寸金尺土,偏偏有唔少社區中心,多用途禮堂、會議室、活動室等,又大又靚,使用率卻長期偏低,搞到立法會議員都要提問官老爺有冇善用資源?若任由佢丟空,認真暴殄天物,民政局好應該想方設法增加使用率! 呢嗱!唔少地區團體均會租用或借用各區?社區會堂或社區中心?設施舉辦各類活動,根據政府?數據顯示,喺本年首5個月,南區赤柱社區會堂?多用途禮堂使用率包尾,僅得11.7%,會議室?使用率亦只有7.2%;但低處未算低,紅磡社區會堂?會議室使用率低至2.4%,喺活動室或課室等設施方面,則以長青社區中心最低,使用率為4.9%。各位,好似赤柱呢個會堂,位於赤柱市政大廈,當年耗資1.7億元興建,由西松建設承建,2017年前啟用,大樓以中國四合院作為藍本設計,同年,大樓獲得香港建築學會頒發全年建築大獎。阿哥,試問一座咁有特色?中心使用率奇低,不是暴殄天物是甚麼? 民政及青年事務局局長書面回應金融界議員質詢,指2023年首5個月,全港20區共設立110個社區會堂或社區中心?多用途禮堂、會議室及包括課室或課室?其他設施,平均使用率分別為76.3%、42.6%及44.5%。 點講都好,咁多社區會堂未「地盡其用」卻係有目共睹。議員又問及有關堅尼地城社區綜合大樓使用率,指該綜合大樓共有6間活動室及一間會議室供地區團體租用,而當局提供?資料顯示,會議室使用率只有9.1%,活動室或課室?使用率則有61.5%。當局解釋,由於活動室及會議室本年3月底前一直被用作社區檢測中心,並在接獲短時間通知後即重新開放予公眾租用,因此有關設施喺4月開放初期?使用率,明顯較設於大樓內另外兩個樓層?活動室使用率低。 疫後復常,社會上許多資源也許亦應重新規劃、調整,大部分會堂使用率都不算高,尤其社區會堂會議室,一般使用率都未達一成,都真係少得可憐!當局解釋,一般而言,位於人口密度較高、附近交通較為便捷?會堂,使用率會較高;而位處較偏遠?會堂,使用率則較低。事實上,呢啲都係「阿媽係女人」?道理!依家?問題,係官老爺有否新思維,化腐朽為神奇,把經常乏人問津?會堂、會議室等設施,給予租用團體多些優惠?而各區民政事務處亦要因應地方情況和需要,採取唔同措施以善用會堂,甚至開放出租,務求地盡其用,勿令丟空做大嘥鬼!