2023-05-31
東方日報
政府提出北部都會區願景、早前新田科技城都出咗規劃圖，立法會北部都會區發展事宜小組委員會尋日舉行第一次會議，各議員都有就日後?討論內容發表意見。
議員葉劉淑儀就話，有關北都及人工島?城市規劃土地及工程雜項修訂條例草案?審議工作基本完成，敦促政府部門都要做快啲，形容屋宇署同地政署「搓來搓去，硬係唔落錘」；又話政府雖勾畫「美麗願景」，如250萬人口、50萬位職位、又有新田創科城等等，但要用?錢係幾多？點樣融資？點樣公私營合作？佢話當局曾揚言年底就有個綱領、明年年頭先計到啲數。佢話會密切關注，最終開支到底係幾多。
斥當局基建先行齋噏
講到涉及土地上已有?使用者，議員林健鋒話不宜騷擾。又指北都係連接深圳?重要通道，需要照顧內地居民?感受，譬如好大爭議?「超級殯葬城」。又話當局口口聲聲「基建先行」但有關計劃卻無甚着墨，質疑基建不完善又如何處理其他發展項目？
其他議員都有提出自己關注?議題，小組委員會主席劉國勳就話佢諗住首先討論北都?頂層設計，之後會就每個專題，好似基建旅遊、文體設施、發展模式、成本等搵唔同政府部門回應，仲話會考察添！