Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
三月 29, 2024 星期五 多雲 24° 86%

政情:議員算帳 5億起天價停車場 恐燒公帑營運保養

2023-05-31    東方日報
為咗促進「智慧出行」?發展,運輸署正積極推展自動泊車系統項目,而深水埗欽州街西有一幅休憩用地、將興建包含園景花園、兒童遊樂場、以及全港首個圓筒形自動泊車系統?公眾停車場。儘管項目尋日獲得立法會工務小組在席議員大比數通過,並將交予財委會審議,但高達7.77億元?撥款建議,就有議員嫌貴,質詢當局能否壓縮成本;亦有議員認為項目不符成本效益,擔心將來難以營運。 話說有關項目係位於欽州街西同通州街交界,面積約3,650平方米。因環境限制,難以興建傳統停車場常見?斜道及行人升降機,地面只能闢出30個公眾停車位,但會採用圓筒形自動泊車系統,於地下樓層提供約170個泊位。議員陳紹雄指有關停車場造價高達5億,而170個泊位平均一個單價就高達250萬元以上,實在非常昂貴。 經常性開支逾千萬元 陳又指按照目前規劃,地下停車場深6至7層;由於每挖深一層,造價就幾何級數上升,佢質問能否減少20至30個泊位數量,藉此減省挖掘層數,令泊位?平均單價得以下降。佢又話文件提到經常性開支1,085萬元,若除以200個車位,即係每個車位要5.4萬元,指數字頗為驚人。佢話唔會用「大白象」嚟形容呢個項目,但擔心項目因條件所限而採用?圓筒型自動泊車系統,日後未必可以喺其他停車場推展應用。 運輸及物流局副秘書長麥震宇回應話,當局於該區進行泊位需求調查,發現逾200個私家車位短缺,又指因應地形所限,若非採用圓筒形自動泊車系統,難以用盡地皮面積,項目?建築成本可能更高,重申引入圓筒型自動泊車系統後,如果有其他適合?地方,會考慮繼續使用,至於經常性開支方面,則同其他自動泊車系統相若。佢話明白要符合成本效益,但滿足當區?泊車需要亦係重要考量。 議員林筱魯質疑1,085萬元?經常性開支,當中是否包括保養及營運?佢話現時深水埗車位,通常月租係4,000元左右,即使200個泊位一年加埋,都同1,085萬元呢筆數相去甚遠,擔心停車場將來要公帑補貼方可營運。議員陳沛良則表示圓筒型自動泊車系統興建深入地底,擔心一旦發生火警,消防員難以到場,關注有否採取防洪同防火措施。麥震宇回覆指當局喺泊位上?安排係商用車優先,喺許可情況下會安排私家車,亦會根據需求設置泊位,並強調停車場符合消防法例,附近亦設消防梯供消防員使用。