2023-05-02
明報
【明報專訊】每一年到了5月，不少人會話「五窮六絕」，生意唔慌會好，樓市亦不例外；不過，大家在5月初就會話「五窮六絕」，但到了6月底就唔會講「五窮六絕」是否出現過。其實一般來說，5月、6月做生意的環境不太差，所以過了5月、6月之後，反而冇人提及「五窮六絕」。
有老友問今年會不會出現「五窮六絕」，我認為以什麼作比較，如果與去年5月、6月比較，今年一定會好得多，但與今年第一季作比較，則會略輸一籌，但仍然唔可以用「五窮六絕」來形容，如果今年出現「五窮六絕」，真係好大件事。
我認為每一年都可以出現「五窮六絕」，但今年不可以，因為經過3年疫情，香港正在復蘇，如果出現「五窮六絕」，表示營商環境很差，但這個情况應該不會出現，樓市只是會放緩，唔會出現大冧情况，我對樓市這兩個月睇法，唔輸就是贏，下半年應該會有一定升幅。我並不是預測，只是講我自己意見，大家聽了就算。
倘出現「五窮六絕」反映營商環境很差
有人唔同意，佢話尖沙嘴有700個空置舖位，點解唔會出現「五窮六絕」。我話不是「有」，而是曾經「出現過」700個空置舖位，佔舖位總數目不足一成，而且正在大幅減少，到年底，可能只得二三百個，而空置舖位大幅增加，都是拜3年疫情所賜，現在疫情已經過去，在通關之後，遊客數目亦在增加中，尖沙嘴舖位大多數做遊客生意，空置舖位大幅減少亦是很正常，5月、6月之後，大家又看看尖沙嘴空置舖位數目有冇增加，如果沒增加，即是「五不窮、六不絕」。
如果美國政府在未能通過債務上限法案，或會出現違約，到時美匯美債就會大跌，美國反而會出現「五窮六絕」，但大家放心，美國政府演這套戲已經爐火純青，在最後一刻會通過法案，一定唔會出現「五窮六絕」。不過，大家對美元信心就失去了很多，正是過得初一，唔過得十五，總有一日美國對債務是會違約，這才是世界各國去美元化的主要原因。
紀惠集團行政總裁
[湯文亮 敢說反話]