2023-03-17
東方日報
何永賢漏夜再解畫
政府興建簡約公屋惹起極大爭議。立法會財務委員會今日延長會議，加鐘至晚上8點鐘，審議首批4個「簡約公屋」項目，涉款149億元。外界炮轟政府未能釋除疑慮，雖則早前投棄權票?議員楊永杰已轉軚會投支持，但政府?隱憂未除，據聞，房屋局近日不停箍票，仲打電話叫議員一定要出席今日?會議添！而局長何永賢尋晚喺一個網上節目再解畫。
政府之所以提出興建簡約公屋，目的係要縮短輪候上公屋?時間，然而興建時間要兩年，最多住5年，即係2+5，但造價同選址備受質疑，尤其係啟德?選址更惹起鄰近居民反彈。即使楊永杰轉投支持票，都未夠穩陣，事關仍有議員嫌政府解釋得唔夠清楚。例如議員江玉歡缺席上個月初?工務小組會議，理由都係政府未釋除疑慮，其後佢亦要求政府回應逾10條問題，唔知佢今日會點投票嘞！
當局近日屢致電叫出席
據聞，政府唔敢掉以輕心，就算明知係支持撥款?議員都照箍票，打電話叫議員必定要出席今日?財委會。其實班議員都唔想有任何甩漏。據悉，民建聯並無刻意提醒班黨友。議員郭偉强亦話工聯會內部無特別提醒大家投票，但工會係支持簡約公屋?項目，全部人都知道係非常重要，一定會去投。佢又話無官員「溫提」佢哋一定要投票。自由黨主席邵家輝亦話冇規定黨員必定要出席會議，但該黨?財委會成員都會「盡自己責任出席會議」。
而喺尋晚，即係財委會審議簡約公屋撥款?前夕，何永賢出席議員鄧家彪?網上節目再解畫，同時向啟德?居民派定心丸，指2+5後必定將土地交還發展局，按原先規劃發展商業用途。被問及簡約公屋項目?撥款似係闖關咁，何覺得形容恰當，因為佢哋擸起衫袖闖?，畢竟問題係公屋?供應量唔夠，要喺5年提供大量?簡屋供應，必須有勇氣同力度去闖。
咁有冇後悔推簡屋？佢話推?時候，大家對造價等有好多質疑，但當佢愈解說、就愈了解呢個項目?意思。再加上近期同劏房居民多咗接觸，深感劏房問題比想像中更嚴重。佢相信有啲朋友對簡屋可能仲有好多疑問，而政府係有必要解說清楚。