2023-03-17
明報
【明報專訊】首批簡約公屋項目今日提交立法會財委會審議，民主黨噚日公布民調結果，顯示58%受訪者認為簡約公屋造價與傳統公屋差無幾，唔符合成本效益，而認為符合成本效益?就只有21%。民主黨主席羅健熙批評政府今次推行過急，缺乏詳細資料同公眾諮詢，促請當局唔好咩事都「霸王硬上弓」。
民主黨今年2月20日至3月15日用電話訪問803個香港人，當中兩成受訪者正輪候公屋。調查發現，59%受訪者認為政府應該加快興建傳統公屋而唔係簡約公屋，唔同意?有25%。簡約公屋部分選址偏遠，有56%受訪者認為即使唔夠社區設施或交通配套，輪候公屋?人仍會入住簡約公屋。
羅健熙覺得𠵱家申請公屋門檻過高，以四人家庭為例，父母同時工作，入息就好易超標，希望當局全面檢討政策。