2022-12-21
明報
【明報專訊】立法會改善基層住戶居住環境事宜小組委員會噚日開會，討論過渡房屋，多個議員好關注政府仲未交出告別劏房?時間表同路線圖，話政府「忘記初衷」，又批評政府未有明確回覆係咪設置過渡房屋?中央申請平台，以方便劏房戶申請。
會上多個議員話，𠵱家房屋局?過渡屋網頁都幾複雜，劏房戶好難用，建議局方設置一站式?中央申請過渡屋平台。民建聯陳學鋒話推出過渡屋係好事，但係政府到𠵱家都未有明確訂立告別劏房?路線圖，認為局方忘記初衷。房屋事務委員會副主席梁文廣就建議局方為過渡屋提供更多配套，包括便利店等。
唔再收空置地新項目資助申請
房屋局無正面回應設立一站式平台?事，但就話已有社工隊等協助宣傳。副局長戴尚誠強調，政府已搵到足夠土地興建目標兩萬個過渡房屋單位，將停止接受喺空置土地上新建項目?資助申請，不過會繼續支持非政府機構改建喺市區?空置住宅、政府物業或者學校等做過渡房屋。