Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
三月 28, 2024 星期四 多雲 24° 85%

政情:廣建簡約公屋 江玉歡怕蝕入肉

為咗配合輪候公屋時間「封頂」?目標,政府上月發表?《施政報告》就提及未來5年公營房屋總建屋量較上一個5年期大幅增加約五成、以及興建3萬戶簡約公屋,雖然當局早前表示,已覓得頭幾幅可用作興建簡約公屋?土地。不過議員江玉歡就留意到起屋不但需要土地,資金亦同樣重要,然而佢撳過計數機,發覺簡約公屋同正常?公屋,兩者?造價相差唔大,若果簡約公屋只屬臨時性質,就似乎唔係咁划算。 每單位造價50萬 與公屋相若 江玉歡喺社交平台貼文,話根據政府資料,興建每個簡約公屋?單位造價為20多萬元至60多萬元,視乎單位大細;由於當局曾講過話單位會以家庭優先,即是話造價較低?單位為數應該唔多,若果平均計算,興建簡約公屋怕且都要50萬元一個單位,相比一個正常?公屋單位造價65萬元,簡約公屋?造價唔算便宜。加上當局又曾表示簡約公屋選址,每個規模唔會少於1,000個單位,換言之,每個簡約公屋項目需約5億元,如果起6個項目就要用30億元,而呢筆錢就可以興建相當於4,600個正常?公屋單位。 另一方面,政府揚言已搵到足夠土地,未來10年興建30多萬個公屋單位。江玉歡話若果資源充裕,當然係支持政府提供額外?簡約公屋單位。但佢質疑簡約公屋同正常公屋?資源來自同一個荷包,到底房委會能否有足夠資源應付兩者?建屋數量?還是簡約公屋會導致興建公屋?資源縮減?佢認為問題值得探究,當局亦要交待錢從何來。 就解決房屋問題,江玉歡話真正?策略不止講求目標,仲要指出問題同解決方法,當中資源何來係重要一環。佢又以錢幣嚟形容事情總有兩面,既要講實質行動、又要講求資源,否則就難以縱觀問題全貌,更遑論對症下藥。