2022-11-28
明報
【明報專訊】為改善長期輪候公屋或劏房住戶?生活質素，政府持續增建過渡房屋項目及拓建「簡約公屋」，其中由香港聖公會福利協會營運、位於元朗東頭?過渡屋「同心村」，新鴻基地產以1元租出土地，首批居民今年5月起入伙，至今有逾千個家庭入住。有住戶分享，同心村?安全程度及衛生環境遠勝劏房，入住後不但精神健康改善，更改善咗與家人?關係。
原本居於天台屋?家庭主婦歐太話，天台屋不但較曬、氣溫較高，而且玻璃門較多，且無防護網，擔心女兒有可能唔小心打碎玻璃，故兩夫婦經常擔心女兒安全。入住同心村後，歐太一家居住環境較安全，女兒又可享用村內設施，如可於廣場空地玩滑板車等。
另一住戶梁太原本與丈夫居於新界劏房，不但單位面積細，煮食空間接近廁所，渠口更不時出現回湧，衛生環境欠佳，導致兩夫婦精神繃緊。入住同心村後，單位廚廁分開，居住環境大幅改善。
逾千家庭已入住
村內設學習室大廣場等
同心村共設有8座住宅大樓，提供約1800伙，涵蓋1、2、3人及4至5人單位，面積由130平方呎到324平方呎不等，村內同時設有綜合社會服務大樓、活動室、學習室、便利店及大廣場等，形成小社區，照顧居民日常所需。