2022-11-16
東方日報
自從內地提出「共同富裕」同埋「動態清零」防疫政策之後，就興起咗一門新學派：「潤學」。潤者，洋文「Run」也，即係走人啊。以前，香港都係內地富豪，又或者富二代?首選目的地之一，不過隨着大灣區關係愈來愈緊密，內地富豪將目光轉向新加坡。
10大有錢佬4位來自中國
內地10月出口數據下降，但人才出口同有錢佬出口又點計呢？投資移民諮詢公司Henley & Partners早前估計，今年將有約一萬名資產過百萬美金?高淨值富豪遷出中國，人均帶走約480萬美元，即係總共預計走資480億美元。而《福布斯》億萬富豪榜中，新加坡10大富豪就有4位來自內地。
新加坡Bayfront Law律師事務所高層透露，過去一年，佢喺新加坡設立咗約30個家族辦公室，特別係10月中旬，一個禮拜至少有5個內地富豪家族有意去新加坡設立家族辦公室，以前家族辦公室係希望設喺香港。
富豪有兩個身份象徵，名車同豪宅。近日有目擊者聲稱，新加坡市面上多咗好多豪華車，至於關唔關內地富豪大遷徙事，就不得而知。不過，根據當地房地產顧問10月份報告，今年頭8個月，內地買家佔新加坡私樓海外買家當中?42%，買入932間私人住宅。內地買家仲係今年新加坡黃金地段豪宅?最大買家，買咗嗰度近20%?豪宅，每間價格超過500萬坡元（約2,861萬港元）。
余絲韻