2022-10-27
東方日報
政府為咗覓地建屋，就算窿窿罅罅?地方都唔放過。立法會工務小組委員會尋日召開會議，討論搬遷鑽石山食水及海水配水庫往岩洞、以及天水圍公眾街市建造工程項目，兩個項目涉及?費用分別為23億3,420萬元，同14億9,900萬元，儘管兩項撥款均獲得通過，財務委員會毋須討論可直接審議；但對於搬遷鑽石山兩個配水庫?相關工程造價，有議員質疑是否用得其所，至於工程期間居民?用水會否中斷、天水圍新街市?高昂造價同外判安排，亦惹來議員?關注。
鑽石山食水及海水配水庫位處市區，附近交通網絡良好，政府認為若將上址兩個配水庫及相關設施遷往岩洞，騰出?土地適合建屋用途。之不過，兩配水庫佔地僅約4公頃，議員楊永杰質疑，有關岩洞工程耗資23億是否用得其所，事關有關工程只能建造兩幢公營房屋，認為呢筆億億聲?公帑，若改為喺新蒲崗一帶回收舊樓進行舊區重建，可創造?單位數量必定多過兩幢公營房屋。而即使配水庫遷走，楊亦冀當局考慮減少上址擬建?公屋單位，令黃大仙醫院擴建有更多土地可用。
工程期間唔影響供水
發展局副秘書長黃恩諾回應話，當局會預留部分土地予醫管局作規劃醫療用途。至於議員林振昇，則關注岩洞工程涉及一定危險性，詢問政府會否採取更多科技以提升工程期間?職業安全。黃恩諾就話當局就此運用唔少科技，而政府喺合約上亦要求承建商必須執行所有安全措施，包括要求承建商為岩洞建立通風設備以及實時監察系統等，確保工作環境安全。
議員陳紹雄就關注到，政府如何確保工程期間唔會出現停水問題。水務署署長盧國華話，有關工程會先將配水庫搬去岩洞，再拆卸現有配水庫，強調唔會影響供水，而工程期間若有需要停水，亦只會維持半日，佢承諾停水時間一旦過長，就會安排供水車。
至於天水圍新公眾街市，陳紹雄就形容造價「十分貴」。建築署署長謝昌和承認，相較其他參考項目，造價的確係略貴。但佢解釋項目因涉及大量改道工程，考慮埋有關因素其實造價係咁上下。
天水圍新街市又外判
議員周文港關注天水圍新街市落成後，盼由政府負責其日常運作而非外判，環境及生態局副局長黃淑嫻就話，食環署雖然係新街市?業主，但仍會外判予承辦商，理由係私人承辦商了解市民?需要喎。