2022-10-25
經濟日報
近期股樓走勢甚弱，資深投資者「磁帶大王」陳秉志指，現時亦不敢大舉入市，希望「睇定啲」，留意局勢。
單計近兩個月，投資市場可謂疲弱，樓市有明顯調整，而股市昨日更錄大跌幅，氣氛認真麻麻，陳秉志向來投資有眼光，現時會不會入市時機。他謂，「股市我少接觸，樓市方面我認為要睇定啲，始終息口仍然上升，股市表現差亦影響樓市。現階段不敢大手出擊，還是等一等為上。」
部署上，近兩年陳秉志不時沽貨，例如在住宅市場尚未回調時，連環沽出薄扶林美景臺、碧瑤灣等單位，成功套現。「當時因希望套現，把資金投放其他項目，若現時放售住宅，可能要減價出售。」
較睇好民生區商舖 消費穩健
在眾多物業範疇上，陳秉志喜歡投資民生區商場、舖位。例如在疫情期間，仍購入葵涌兩項商場。現時市況不明朗下，他較為睇好仍是民生區商舖，因為消費力仍然穩健，投資勝過放銀行做定期。「民生區舖位出租最穩定，如果有3至4厘回報便合理。可能現時放錢在銀行也有3厘回報，但買舖可以搏升值，所以仍然有一定商機。」
撰文 : 東尼