2022-10-07
經濟日報
買樓是人生一個很大決定，又要合價錢又要合自己心水的單位，特別是置業初哥，委實是一項艱巨工程，準買家往往要花時間去搵、去等自己的理想家園。
有置業初哥打算買樓結婚，曾睇過多個區，終揀選了將軍澳，預算約500餘萬元，物色2房單位，並鎖定心儀屋苑，實用面積490餘平方呎，2房面積亦平均，行去港鐵站約8至10分鐘。
對高層單位動心
隨着樓價回調，心儀屋苑2房造價亦符合置業初哥預算，前後有3個單位可揀擇，最初一個低層叫價520萬元，即時令置業初哥提速查盤問價，及後得悉一個高層放盤，對該個高20多層單位已有所心動，此高層單位叫價590萬元，較之前低層520萬元高出70萬元，即相約代理假日睇樓，而代理更游說這位置業初哥帶票睇樓，令這位置業初哥突然變得急起來，打探友人單位會望到墳景，如何還價，又怕自己還得太深，自已初步亦定下底線。最終睇樓當天，參觀單位後即決定不買，關鍵單位對隧道口。
買樓不是買棵菜
事實上，買樓除了睇單位內籠樓層觀景，以及自己銀根外。原來還要顧及外圍環境因素，出動嗅覺和聽覺。嗅一嗅有沒有怪味，有睇樓客入屋後聞到一陣陣類似垃圾味，對單位即時大打折扣，單位價錢幾平也不考慮。另一個搵樓客睇了一個低層單位，入屋後打開窗戶時即聞到油煙味，皆因單位樓下開設了多間食肆，睇樓時正值午膳時段，油煙味隨風由下而上。
蘭茜理解置業初哥的果斷，買樓不是買棵菜，真的要揀到會自己心水，宜實地睇樓，以免日後有任何怨言。
撰文 : 蘭茜