2022-09-27
明報
【明報專訊】香港防疫措施變幻莫測，近日突然將檢疫期縮至「0+3」，但對本地餐飲業?防疫仲未鬆綁，唔少商家都呻佳節當前，港人外遊將成行業「最後一根稻草」。喺香港經營「利寶閣」酒樓及泰式餐廳「象屋」?利寶閣(1869)噚日就嚟一個「最後控訴」，發公告話由於業主信和(0083)唔肯減租，旗下最後一間餐廳、奧海城?利寶閣即日執笠，要到11月中環世紀廣場利寶閣新店開業，先會有番一間餐廳。
奧海城酒樓昨結業
小琴睇番利寶閣年報，雖然一向業績麻麻，但2019年尾仲喺香港擁有6間酒樓、一間「象屋」泰菜。不過受疫情影響集團瘋狂關舖，先喺今年6月公布將銅鑼灣同尖沙嘴「利寶閣」品牌酒樓結業，其後9月再將「象屋」執埋，噚日輪到最後一間酒樓都要結業。集團講明，今次係因為「政府對公眾聚集的限制措施對餐飲業造成重大影響的氛圍下，客流量不理想且市況不利，集團未能自業主獲得有利的租賃減免的情況下，決定停止經營奧海城酒樓」，真係「血的控訴」。
[小琴密語]