【明報專訊】噚日凌晨美聯儲大幅加息，大家都好關注匯豐會唔會加最優惠利率（P），畢竟最貼身?都係按揭息率吖嘛。不過匯豐就唔肯就加息?事作出回應喇，反而宣布推出綠色按揭，買樓有機會抽獎贏Tesla。
匯豐宣布首次於香港推出綠色按揭，適用於獲香港綠色建築議會頒發?「綠建環評」鉑金或金級評級認證的指定一手住宅物業。即日起至今年底，申請綠色按揭並提取貸款達400萬元或以上?客戶，可享6888元現金獎賞；提取貸款100萬至400萬元以下則可享3988元現金獎賞。客戶更會自動參加抽獎，有機會贏取一部Tesla Model Y電動車，叫做配合返零排放咁。
不過小琴就諗，係咪買樓，或買咩樓，都唔爭在嗰幾千蚊獎賞，或唔知有無0.1%機會率?Tesla，反而未來息口可能會上升，如果匯豐話綠色按揭可以低息啲，仲更加吸引。
[小琴密語]