2022-04-27
東方日報
7年前嗌逐步放賣 至今仍齋擺
「有瓦遮頭」本為民生基本需求，但喺尺金寸土?香港就變咗係一種奢求。儘管政府有過剩?公務員宿舍，然而未有善用，結果9幅位於豪宅地段?高級公務員宿舍用地，只有3幅用地將適時賣出，但拖延近7年都無賣到，庫房收入頓減。議員謝偉銓批評政府係「土地大嘥鬼」，多年來毫無寸進，雖則每幅都值成10幾億元，亦搞到出現「有人冇屋住、有屋冇人住」?情況。謝亦沉唔住氣，日前喺報章撰文，敦促政府地盡其用喎！
謝偉銓指由於有關人員陸續退休或離職，現時合資格申請高級公務員宿舍?人數持續減少，出現供過於求。而根據2019年?統計，有147個該等宿舍被列為過剩，當中33個位於私人屋苑。其中過去5年，產業署一共賣咗19個前高級公務員宿舍，總售價超過8億元，平均每年為庫房帶來1.8億元收入。
但政府似乎無動於衷，雖然喺2015年發表報告，建議逐步出售9幅位於位於山頂或半山豪宅地段?高級公務員宿舍用地。而審計署亦曾批評多個政府部門未有善用過剩?公務員宿舍。
之不過，謝偉銓喺2019年質詢有關進度，政府回應指僅兩幅用地正考慮向市場出售。勢估唔到事隔7年，政府仍然毫無作為，到今仍然一幅地都未賣出，僅再多一幅考慮出售。而佢當時已批評，政府應提供適當誘因，加快出售進度。
謝偉銓促善用紓地荒
而謝偉銓喺特別財委會，問政府由開始空置至成功出售該等單位?時間，但點知當局就話無相關統計。此外，謝偉銓仲話一般公務員宿舍，長期都供不應求，而產業署亦唔知由其他部門管理?宿舍使用情況，謝話種種不濟?表現都令佢感到好失望。
其實香港土地短缺問題一直好嚴重，謝偉銓亦都有其他想法，包括建議政府另覓新地，同時善用已空置或使用率偏低?政府土地和建築物，包括空置校舍及街市等，務求急市民所急。