大埔曱甴屋的啟示

早前有報道揭示大埔公屋出現有異味曱甴屋，環境衞生差，大大對左鄰右里構成影響，由於屬租置單位，房屋署等部門沒有作出任何行動。 上述事件即時嚇怕一名想購買的租置單位的買家，據了解，該買家已落訂，落訂後發現比鄰單位如大埔曱甴屋翻版，真是進退兩難。 睇相片 難知實際環境 部分出售的租置屋只能睇相片，所以準買家根本對實際環境不知情。其實，現時部分二手單位因有租客居住，不能安排樓睇，搵樓客只能僅睇相片或影片，僅能掌握內籠間隔、坐向、樓層及景觀，房間大細，廳位；但搵樓客對單位的四周環境是毫不知曉。 蘭茜認為買樓除了睇單位內籠，以及經濟預算外，原來，還要顧及外圍因素，要出動嗅覺和聽覺。點解要出動嗅覺睇樓，皆因是要清楚了解外圍環境，嗅一嗅有沒有怪味。有搵樓客同蘭茜講，曾經參觀一個新樓單位，入屋後聞到一陣陣類似垃圾味，對單位即時大打折扣，即使單位價錢幾平，也不作考慮。 另一個搵樓客睇了一個低層單位，入屋後打開窗戶時即聞到一陣陣油煙味，全因為單位樓下開設了多間食肆，睇樓時正值午膳時段，難免滿天鑊氣，油煙味隨風由下而上。 慢慢感受 見招拆招 有朋友由市區搬入新界，目的是追求綠色環境和寬敞居住環境。朋友搬進新居後，即感受到新居的其中一面，當晚朋友不時聽到上空好嘈聲音，原來是直升機所發出的聲浪，由於朋友新居幾近頂樓，對直升機所發出的聲浪甚為應聲，好似在「頭殼頂」盤旋，初初不習慣，確實感到擾攘。 此外，有屋苑地下或低層單位有蛇蹤造訪，這些生活細節在睇樓時根本無法睇到和察覺，只能入住後，慢慢感受，見招拆招。 撰文 : 蘭茜 欄名 : 樓市放大鏡