2021-09-30
明報
【明報專訊】新團體「香港新方向」噚日第一次正式露面開記招，介紹佢哋土地房屋?建議，包括叫政府用3000億元財政儲備買約2600公頃荒廢農地，團體創始人王宇形容係將財政儲備變為土地儲備，咁先可以有土地發展主導權。至於點樣評價特首林鄭月娥，佢哋就唔肯正面回應。香港新方向話有百多名成員，被問到會唔會參選未來立法會選舉，總召集人劉暢話佢哋係非常年輕?政治團體，目的係建設美好香港，幫到香港?都會考慮，佢哋𠵱家冇選委會成員。
記招上被問到政治光譜定位，劉暢話想「去標籤化」，「唔care自己係咩光譜」，只係想為香港好。咁係咪想迴避政治議題？佢反駁話呢個係關於土地房屋?記招，如果大家想傾政治議題，稍後佢哋可以開個記招再講。
首開記招 參選無落閘
「香港新方向」建議發展農地。被問到喺收回荒廢農地上政府有咩做得不足？王宇話，𠵱家政府提出土地共享計劃，都係由私人提出，政府缺乏規劃主導權。
咁發展郊野公園邊陲係咪可取？王宇話佢哋將收回荒廢農地放喺優先位置。