2021-09-24
經濟日報
有網民帖文，兩小口子住緊新樓1房單位，實用面積340平方呎，近日萌生小朋友念頭，惟恐間屋唔夠住，求對策?
預BB床 請工人
該網民坦言間屋包露台、工作平台同門口走廊位，實際活動範圍約200平方呎，而兩口子都要返工，如果想生小朋友，起碼要預BB床，以及再請工人姐姐，家中2口變成4口。在這個情況下，使唔使1房換2房?因價就貨，轉移至新界2房?
如果先賣出自住1房單位話，換購另一個單位。該網民擔心新樓屆滿3年SSD後，市場上充斥盤源，多放盤競爭下未必能賣出好價；所以亦想出第二個方案，自住單位加建閣樓。近日新落成的物業樓底夠高，室內加建閣樓成裝修設計新常態。
其他網民亦忙於度計，有網民贊同換2房，起碼有1層樓在手，加多少少就可以換2房；有網民更提議，若能力許可，索性換個3房單位。反而有網民直言，原本1房要住亦能勉強夠住，問題在於您對私人空間的要求，以及如何分配，在廳區偷位採用碌架床，梳化床，摺床，拉簾等。
有網民贊成雙租
至於，打算生小朋友的網民認為3房需要的日子不會太耐，最有需要係小學至中學，大學就有機會住宿舍或海外升學，故即使有能力亦不會投放3房單位，將手頭資金投資其他工具。相反，同意雙租，即將自住單位租出，然後再租住另一個單位，以解決唔夠住的情況。
家中添成員當然可喜可賀，若然閣下又會點做，解決家人的居所問題？
撰文 : 蘭茜