2021-08-19
東方日報
到底粉嶺高爾夫球場應否用嚟興建公屋，長期爭議不休，而早前就有連場暴雨，特別係北區多處猶如澤國，包括粉嶺高爾夫球場。議員葉劉淑儀認為有關用地屬於低窪地帶，加上基建等配套都難以負荷，認為用以興建公屋並唔可行喎。
話交通污水配套難負荷
葉劉喺社交網站發布多張相片，可見北區喺暴雨下嚴重水浸，仲有車輛被困。葉劉提及水浸問題已困擾北區居民多年，促請政府責成部門跟進，完善區內排水道，減輕當區居民喺雨季遭受?水浸之苦。不過，政府計劃喺2023年9月收番粉嶺高爾夫球場大約32公頃用地建屋，佢提到該處屬於低窪地帶、地質鬆軟，要處理好排水問題並非易事，明言話計劃唔可行啊。
另外，佢亦話北區目前已經容納10萬名住戶，加上該地段鄰近北區醫院，擔心再以高密度方式發展?話，不論地區?交通、污水等配套都難以負荷。佢反問政府有冇仔細考慮過，喺該地帶開展公屋項目?可行性呢？