2021-08-06
經濟日報
無人會知道樓價幾時是高位？幾時是低價？有網友帖文表示自己一家4口因為移民，去年沽出自住物業，現在卻後悔，據悉單位估價漲80萬元，意味樓價上調，加上英國租樓，亦交了一年租金20萬元（港元），一來一回唔見100萬元。
無人知遲賣賺更多
差估署最新數據顯示，2021年6月私人住宅售價指數報394.5點，與5月持平無升跌；目前樓價守在近25個月的高位，與2019年5月的歷史高位396.9點比較，只相差約0.6%；今年上半年樓價一連6個月只升不跌，累積升幅達3.84%，是2018年年中以來最長升浪。
遲買會貴？還是遲賣賺更多？無人知曉，買賣雙方均是按自己需要、能力和眼光去決定，入市時機和沽樓時間。所以不少網友回應上述移民網友，「賣仔莫摸頭，賣咗就算啦」；又或是「過多10年，可能唔見左1,000萬」。
反而推升樓市交投
話說回來，部分移民的港人家庭，若手上持有多個物業，亦會保留一個物業，會留有後着。蘭茜一位友人，萌移民念頭，兩夫婦各持有一個物業，商量之後，決定沽出其中一個物業，另一個物業保留不賣。事實上，近1年移民盤交投持續，樓價未有因為今次移民潮而回調，反而進一步推升樓市交投，因為香港是一個移民城市，有人準備移民，亦有新來港移民置業。
撰文 : 蘭茜