2021-04-23
經濟日報
市場持續暢旺，樓價亦見回升，沙田第一城多個2房單位樓價已重上逾600萬元，可見細戶造價率先反彈，個別細價屋苑更出現搶盤情況，上車客莫非要快手落實決定？
上車客銀根所限，當然要睇餸食飯，面對樓市熾熱，樓價調升之際，上車客亦顯得心急，有誠意上車客曾遇上心儀單位，可是出價未及另一組買家，唯有放棄，尋找其他單位，並趁假日全家動員睇樓探盤，合自己預算的單位幾乎睇晒。
把握時間 即場傾價
代理直言既然全家動員，不妨多睇幾間，直至一個叫價650萬元的中層單位，登門睇樓後對樓層和景觀亦合意。或許之前錯失一個心儀單位，故今次決定較果斷和快手，即場與賣方傾價。負責這宗成交的前線代理坦言，當時賣方在廳，買方在房，雙方一度拉鋸，（這個情景在市旺是常見，買賣雙方現場討價還價，以顯示誠意）。
撰文 : 蘭茜
此時剛好另一組買家亦到場睇樓，而該全家動員睇樓上車客一直守候，無離開單位，最終另一組睇樓客先撤離。而該全家動員睇樓上車客積極與賣方傾價，並達成交易準備簽約之際，之前睇樓客突然折返並表示出價至賣方意向價，最終由全家動員睇樓上車客成功購入。話說回來，該全家動員睇樓上車客若不是睇準時機，把握時間即場傾價，分分鐘又會食白果，無功而還。
細戶頻破頂 買家心急
近日細單位連環破頂價，叫價和造價短短1、2個月升了幾10萬元，令到部分上車客大失預算，追唔到價，心急上車客無奈降低入市要求，由中高層降至低層，甚至無質素，務求圓上車夢。