2020-11-27
經濟日報
本港新冠肺炎疫情急劇惡化，爆發第4波，近日確診人數創近3個月新高，多個豪宅級物業，如半山花園台2座、灣仔松柏新邨D座、跑馬地柏樂苑、樂活道20號樂景園、淺水灣麗景園第4座、大圍世界花園6座等淪為疫廈。
有老有嫩家庭 不願開門
對於疫情來勢洶洶，小部分業主暫時唔俾睇樓，另外亦有睇樓客透過短訊通知代理，取消原本約定的睇樓安排。前線代理坦言，過去大半年疫情期間，睇樓主要睇鎖匙盤，部分有老有嫩的家庭客根本不願意開門予陌生人入屋睇樓，故疫情期間，睇樓活動集中鎖匙盤。即使肯開門睇，部分業主會查詢得好仔細，了解下睇樓客是咩人，之前睇過未等等較具體細節。
網上睇樓疫市新常態
其實，早於今年年初時，疫情下人人誠惶誠恐，有關當局更呼籲市民減少外出，減少聚會，限聚令，以及關閉高風險處所，推出一系列防疫意識，處於非常時期，部分業主盤已表明「唔俾睇樓」。當時二手交投量一度放緩，部份業主按奈不住，擴大議價空間，且市場出現一些筍盤單位，遇到這類單位不乏帶口罩在門外排隊睇樓情況，出現這類場面最大關鍵是放盤單位屬筍盤，當這類筍價盤浮現，區內代理即全線催谷，通報準買家，故出現幾組準買家同時睇樓。
經過疫情第3波後，大部分賣方不會賤賣單位，議價空間不大，變相實際筍盤有限，故近月最熾熱的東涌區亦未出現口罩在門外排隊睇樓情況。此外，除鎖匙盤外，近月更興起網上睇樓，各區前線網上介紹單位，換言之，想睇樓可以網上瀏覽，成為疫市睇樓新常態。
撰文 : 蘭茜