政府早前宣布放寬換樓期至1年，打算換樓業主步伐顯著加快，有業主早上沽樓，下午即購入新單位。
該換樓客本身居於青衣一個2房戶，以500餘萬元沽出單位，即日即以800餘萬元購入鄰區一個套3房戶，換樓客帳面補多約300萬元，除可換購多一間套房的單位，大大改善家居住環境。此外，新居質素亦提高，新居樓齡不足5年，物業極具升值潛力。
另一個個案，是一名西九龍業主，沽出自住的實用494平方呎單位後，立即拍板以逾1,100萬元在同區換購一個實用607平方呎單位，單位向南，享內園景。
剛沽兩房戶 即日購3房
事實上，近日類似上述個案屢見不鮮，近月市況暢旺，一手帶動二手，加上二手市場嚴重缺盤，樓價日日升，好似海鮮價。
有代理形容「依家樓價係日日唔同價」，賣出單位後，同類叫價高5%至10%，進取型個別高50萬元。為免賣咗買唔番，現時的換樓業主好審慎，大部分業主在未賣出單位前，已在市場探路，物色新單位，邊放邊睇樓，若遇到心水單位時，自住單位議價時相對積極和肯議價；另一邊廂即與心水單位的賣方討價還價，務求履行換樓行動。
有代理建議買入及賣出的時間應盡量同步進行，兩份合約1小時內同時簽好，確保換樓成功。但蘭茜要提提換樓客，即使一日內能完成一賣一買，亦要小心買家撻訂，若不幸買家撻訂，可能會出現買家撻訂而資金無法周轉的問題，牽連幾廣泛，令換樓過程節外生枝；先沽後買形式換樓，可避過辣稅，惟有一定風險，換樓客宜評估自己能承受風險的能力。
撰文 : 蘭茜
欄名 : 樓市放大鏡