探射燈：團體倡劏房戶應享「適足住屋權」

劏房租金雖然不斷飆升，但仍有不少人居住，且居住面積愈住愈窄，環境愈來愈惡劣。有關注團希望政府多關注，提倡劏房戶亦應有「適足住屋權」。 政府統計處《二○一六年中期人口統計主題性報告書》顯示，全港共有九萬二千七百個劏房，共有二十萬零九百七十人居住。居於土瓜灣劏房的育姐指出，每月平均水費為一百三十元，但電費高昂，業主現收取每度電一元四角，較正常電價高。「兩年前，我每個月都只係交約九十蚊電費；但到今年個個月都畀七百幾蚊電費！問業主點解咁貴，有冇證明？佢哋只話你唔租咪搬走。唉，外面租金咁貴，我邊有能力搬走，惟有無奈接受。」 乏保障 遭濫收水電費 「依家聯合國已經對於『適足住屋權』有好明確?定義，當中意指市民有安全、和平尊嚴地居住某處?權利，並唔止係有瓦遮頭就算！」香港聖公會麥理浩夫人中心團體及社區工作部主管吳堃廉無奈指出，現時不少劏房戶均缺乏「適足住屋權」保障，需要面對惡劣居住環境、高昂租金收入比例，以及水電費濫收等問題。