國際顧問機構美世日前公布本年度全球城市生活質素排名，奧地利維也納連續九年排首位，香港則排第七十一位，遠遠落後於排名全球二十六、亞洲第一的新加坡。美世分析全球二百三十一個城市的醫療制度、社會經濟狀況、教育、房屋等因素，選出最佳生活質素城市。
新加坡拋離香港，依老朽看，單是住屋一項，香港已經輸咗十條街。本港住屋問題不但困擾年輕一代，也困擾遲遲上唔到公屋的基層，尤其數以十萬計的劏房戶。知識改變命運？七、八十年代我信到十足，老朽當年親眼見證隔壁同鄉，港大最後一年已做定三套西裝，準備去見好幾份大洋行?工，真係威風過做老闆！如今邊有呢隻歌仔唱，現實係大學畢業生?起薪點，幾乎停留在十多年前?水平；面對人工數十年如一日，而衣食住行年年加，年輕人打份工，唔住屋企基本上捉襟見肘，而樓價又確實升到脫離現實，納米樓都要四、五百萬，買唔起樓的年輕人，縱使有結婚對象也只好含淚對女友吐出超人?金句：趁後生搵個有樓的嫁吧！
政府成日把覓地建公屋說成是「重中之重」，然而，真相是愈來愈多人居於劏房。政府公布二○一六年有逾二十萬劏房戶。有關注組織指政府低估劏房數目，是以相信有幾萬戶未被納入。調查亦顯示，一般劏房人均面積僅五十七平方呎，尤其夏天炎熱，唔「屈到病」就有鬼咯！統計數字又發現，在接近二十一萬名的劏房人口中，百分之二十八點四為二十五歲以下青年。
此外，有組織調查發現，去年全港約有三百八十四人於通宵營運的麥當勞度宿，當上「麥難民」，其中包括約百分之十?女性，受訪者當中，約四成學歷達高中或大專以上水平。香港係一個國際金融城市，政府庫房年年水浸，卻搞到咁多劏房戶、「麥難民」出來，政府唔知有冇羞愧之心？
評論員 施友朋