狗年投資者普遍看好後市，米蘭站（01150）姚君達話，今年續看好樓市，重點發展財務公司業務，與樂風集團加強合作。
夥樂風加強合作 食住旺勢
農曆新年期間不少投資者選擇外遊，而米蘭站姚君達（Byron）則留港賀新歲，與親朋好友共度佳節。日前為年初三賽馬日，適逢Byron旗下愛駒「贏馬神器」出場，他即邀請一眾好友入場睇馬，可惜愛駒僅負跑第2，未能於新一年拉頭馬，但各人亦算盡興而回。
當日Byron亦邀請樂風集團董事總經理梁智基（Sherman）出席，近年樂風推售工廈拆售項目相當成功，Sherman認為狗年樓市仍向好，集團部署接連推盤，涉及約800個單位，而Byron則表示會加強合作，旗下發達太太財務為樂風集團工廈買家承造按揭，一於食住樓市旺勢。
撰文:
東尼
欄名: 八通天